Ekskluzive/Pas aludimeve për romancë, Loredana flet hapur për Gjestin

Nga Andale
13 Maj 2026, 12:32

Ekskluzive/Pas aludimeve për romancë, Loredana flet hapur për

Disa foto mjaftuan që rrjeti të fillonte menjëherë me teoritë: A ka diçka mes Gjestit dhe Loredanës? Sidomos pasi Xheneta Fetahu deklaroi në një studio televizive se mes tyre mund të ketë lindur një raport romantik, madje duke e konsideruar situatën si një “tradhti” mes vajzash, për shkak të miqësisë me Loredanën.

Por si qëndron e vërteta? Në një telefonatë ekskluzive për UËTËFË Live, Loredana Brati vendosi t’u përgjigjej drejtpërdrejt aludimeve dhe, sipas saj, mes saj dhe Gjestit nuk ka pasur kurrë asgjë romantike.

“Unë Gjestin gjithmonë e kam parë si një vëlla të vogël. A mund të krijohet lidhje me një person që e sheh si vëlla të vogël? Ne nuk jemi takuar, kemi shumë kohë që nuk flasim. Plus unë kam gusto të tjera për meshkuj. Duan të më bien më qafë? Le të më bien më qafë”, – u shpreh ajo.

Ish-banorja e BBVA 5 komentoi edhe fotot që ndezën dyshimet në rrjet, duke këmbëngulur se gjithçka ishte thjesht rastësi.

“Ishte rastësi o vëlla. Më thanë që dje aty ishte Gjesti dhe unë thashë ‘varja’, se merret me mend që unë nuk kam pëlqim për Gjestin. Unë nuk kam pasur ndonjëherë pëlqim për Gjestin. Ju betohem që nuk kam pëlqim për Gjestin," – tha ajo.

UËTËFË Live transmetohet çdo të martë në kanalin e Andale në YouTube, me lajme ekskluzive dhe prapaskena nga personazhet më të komentuar të showbiz-it shqiptar.